Çmimi Kryesor për Sigurinë e Produktit nga B.E.

Çmimi Kryesor për Sigurinë e Produktit nga Komisioni Evropian për Babylino Sensitive

Pelenat greke për foshnja Babylino Sensitive morën së fundmi Çmimin për Sigurinë e Produktit nga Komisioni Evropian. Në një ceremoni të veçantë ndarjeje çmimesh në Bruksel, Komisionerja përgjegjëse për Drejtësinë, Konsumatorët dhe Barazinë Gjinore, Věra Jourová, vlerësoi ato kompani që përpiqen gjithmonë të ofrojnë diçka më shumë për të mbrojtur konsumatorët, duke vendosur sigurinë e fëmijëve në qendër të aktiviteteve të tyre.

Ky vlerësim madhor pasqyron prioritetin kryesor dhe të pakontestueshëm të kompanisë MEGA për të prodhuar një produkt absolutisht të sigurt për foshnjat: Babylino Sensitive. Një produkt që është njohur për nivelin e tij jashtëzakonisht të lartë të sigurisë për lëkurën e foshnjave, pas një vlerësimi të rreptë nga juria e veçantë përzgjedhëse e BE-së. "Në MEGA kemi synuar gjithmonë sigurinë dhe cilësinë e produkteve tona. Ky çmim vjen si shpërblim i përpjekjeve tona dhe i përkushtimit tonë ndaj ekselencës. Ky çmim shënon gjithashtu një premtim të përjetshëm për kompaninë tonë për të vazhduar të garantojë sigurinë, të maksimizojë inovacionin dhe të certifikojë cilësinë në produktet e saj,” tha Znj. Vitouladitou Leda, Drejtoreshë e Shitjeve dhe Marketingut në MEGA Disposables, e cila pranoi çmimin.

Çmimi u dorëzua nga Zëvendësministri për Çështjet e Zhvillimit të Industrisë dhe Tregtisë, Z. Nick Papathanassis, i cili përmendi: "MEGA është një shembull i ekselencës së biznesit në Greqi. Inovacion, Cilësi dhe Zhvillim. Kjo është fytyra e re e Greqisë që ne duam dhe për të cilën përpiqemi."

Znj. Věra Jourová, Komisionerja Evropiane për Drejtësinë, Konsumatorët dhe Barazinë Gjinore deklaroi sa vijon: «Do të dëshiroja të përgëzoja kompanitë fituese për inovacionet dhe investimet që po realizojnë për t'i bërë produktet e tyre më të sigurta dhe për faktin se po ngrisin sipër stekën për mbrojtjen e konsumatorëve në mbarë Evropën. Ky çmim njeh përpjekjet e tyre. U bëj thirrje të gjitha bizneseve ta kthejnë mbrojtjen e konsumatorëve në prioritet kryesor, për sigurinë e fëmijëve tanë, të familjeve tona dhe të miqve tanë. Nuk ka investim më të mirë sesa investimi në besimin e konsumatorëve.»

Ky vlerësim përbën një dëshmi praktike dhe një njohje evropiane të prioritetit të kompanisë MEGA për cilësinë e shkëlqyer dhe mbrojtjen e sigurt, me prova!

Kurorëzimi i kujdesit të palodhshëm të MEGA-s për sigurinë maksimale të produktit përbën edhe vlerësimi i saj në një ceremoni të rëndësishme në Bruksel në dhjetor të vitit 2023, ku mori Çmimin Kryesor Evropian për Sigurinë e Produktit nga Komisioni Evropian edhe për produktet EveryDay.

Shikoni videon: https://www.youtube.com/watch?v=BlS0QIJMCoY